第二十四回 隻怕招冤同行相護 自甘落魄失路誰悲

按：王蓮生躺在榻床右首，吸煙過癮；復調過左首來，吸上三口，漸覺眉低眼合，像是煙迷。張蕙貞裝好一口煙，將槍頭湊到嘴邊，替蓮生把火。蓮生搖手不吸。蕙貞輕輕放下煙槍，要坐起來。蓮生一手扳住蕙貞胸脯，說：“耐也吃一筒。”蕙貞道：“我要勿)吃；吃上仔癮，阿好做生意嗄？”蓮生道：“陸裡會上？小紅一徑吃，勿曾有痛。”蕙貞道：“小紅自然。俚是本事好，生意會做，就吃上仔，也匆要緊。倪要像仔俚也好哉！”蓮生道：“耐說小紅會做生意，為啥客人也無撥哉嗄？”蕙貞道：“耐怎曉得俚無撥客人？”蓮生道：“我看見俚前節堂簿，除脫仔我，就不過幾戶老客人叫仔二三十個局。”蕙貞道：“做仔耐一戶客人，再有二三十個局，也就好哉口宛)。”蓮生道：“耐勿曉得；小紅也匆過去，俚開消大，爺娘兄弟有好幾個人來浪，才靠俚一幹仔做生意。”蕙貞道：“爺娘、兄弟來裡小房子裡，陸裡有幾花開消？常恐俚自傢個用場忒大仔點。”蓮生道：“俚自傢倒無啥用場，就不過三日兩頭去坐坐馬車。”蕙貞道：“坐馬車也有限得勢。”蓮生道：“價末啥個用場嗄？”蕙貞道：“倪怎曉得俚？”
蓮生便不再問，自取煙盤內所剩兩枚煙泡，且燒且吸，移時始盡；於是一手扶住榻床欄桿，抬