第一百六十四回 逼殘年倌人借債 喪良心小子探囊

且說金姐見沈二寶羞得面紅過耳，二十四分的不好意思，便剪住瞭話頭不說下去。停瞭一停方說道：“二小姐，耐勿要見氣哩，倪是不過望耐生意好點，大傢有點好處，實格洛勸勸耐。等耐心浪明白點，倘忙耐要見氣起來，格是倪下轉連搭仔口才勿敢開格哉。二小姐，耐想倪格閑話阿對？”沉二寶紅著臉道：“嫵姆格閑話，說到仔洛裡搭去哉！嫵姆搭倪講格，才是好閑話。倪歸格辰光，煞死勿肯聽嫵姆格閑話，故歇弄得實梗樣式。早點聽仔嫵姆格閑話，也勿操至於實梗格樣式。故歇倪也嘸說法格哉，隻好拿前頭格事體一塌刮仔才丟脫，賽過嘸撥實梗格事體。到仔開年，規規矩矩，一心一意做生意。倘忙生意好點，也是嫵姆照應仔倪一場，總算韻落空。嫵姆剛剛搭倪講格閑話，倪一句一句才記來裡心浪向。故歇除脫仔嫵媳，再有啥人肯搭倪說格號閑話呀。”金姐聽瞭拍手道：“難末二小姐耐明白哉！倪說耐實梗一個明白人，洛裡會實梗胡塗？耐真正肯拿從前格事體丟脫仔，一心一意做生意，格是定規做得好格，幾千洋鈿格債啥格希奇！”
說到這裡，便又故意作難道：“故歇別樣事體才緞去管俚，倒是耐要借洋鈿，真生活。”說著又屈著指頭算瞭一算道：“房飯賬搭仔菜鈿，算俚七百，再有四百洋鈿借頭，故歇過