第十八回 添夾襖厚誼即深情 補雙臺阜財能解溫

按：陶玉甫聽得李漱芳咳嗽，慌忙至大床前揭起帳子，要看漱芳面色。漱芳回過頭來目夷)瞭玉甫半日，嘆一口氣。玉甫連問：“阿有啥勿適意？”漱芳也不答，卻說道：“耐個人也好個哉！我說仔幾轉，教耐昨日轉來仔末就來，耐定歸勿依我。隨便啥閑話，搭耐說仔，耐隻當耳邊風！”玉甫急分辨道：“勿是呀！昨日轉來末晚哉，屋裡有親眷來浪，難末阿哥說：‘阿有啥要緊事體，要連夜趕出城去？’我阿好說啥？”漱芳鼻子裡“哼”的一聲，說道：“耐要勿)來搭我瞎說！我也曉得點耐脾氣。要說耐外頭再有啥人來浪，故也冤枉仔耐哉。耐總不過一去仔末就想勿著，等耐去死也罷活也罷，總勿關耐事，阿對？”玉甫陪笑道：“就算我想勿著，不過昨日一夜天，今朝阿是想著仔來哉？”漱芳道：“耐是勿差，一目忽)困下去，困到仔天亮末，一夜天就過哉。耐阿曉得困勿著瞭，坐來浪，一夜天比仔一年還要長點！”玉甫道：“總是我匆好，害仔耐。耐要勿)動氣。”
漱芳又嗽瞭幾聲，慢慢的說道：“昨日夜頭，天末也討氣得來，落勿停個雨。浣芳，出局去哉；阿招末，搭無裝煙；單剩仔大阿金，坐來浪打磕銑。我教俚收抬好仔去因罷。大阿金去仔，我一幹仔就榻床浪坐歇，落得個雨來加二大哉；一