第八回 蓄深心動留紅線盒 逞利口謝卻七香車

按：羅子富正要朱藹人擺莊，忽聽得黃二姐低聲叫“羅老爺”。子富不及豁拳，丟下便走。黃二姐在外間迎著，道：“阿要金鳳來替耐豁兩拳？”子富點點頭，黃二姐遂進房到臺面上去。子富自過對過房間裡，隻見黃翠鳳獨自一個坐在桌子傍邊高椅上，面前放著那一對金釧臂。翠鳳見子富近前，笑說：“來。”揣住子富的手捺到榻床坐下，說道：“倪無(女每)上耐當水，聽仔耐閑話，快活得來！我就曉得耐是不過說說罷哉。耐有蔣月琴來哚，陸裡肯來照應倪？倪無(女每)還拿仔鍘臂來撥我看。我說：‘釧臂末啥稀奇，蔣月琴哚勿曉得送仔幾花哉！就是倪也有兩副來裡，才放來哚用勿著，要得來做啥？’耐原拿仔轉去罷。隔兩日，耐真個蔣月琴搭勿去仔，想著要來照應倪，再送撥我正好。”
子富聽瞭，如一瓢冷水兜頭澆下，隨即分辨道：“我說過蔣月琴搭定規勿去哉。耐勿相信末，我明朝就教朋友去搭我開消局帳，阿好？”翠鳳道：“耐開消仔，原好去個口宛)。耐搭蔣月琴是老相好，做仔四五年哉，俚哚也蠻要好。耐故歇末說勿去哉，耐要去起來，我阿好勿許耐去？”子富道：“說仔勿去，阿好再去嗄？說閑話勿是放屁。”翠鳳道：“隨便耐去說啥，我匆相信晚耐自傢去想，耐末就說是勿去，俚哚阿要